للقاء خفـوق ولـذة حيرانـــة مدري تجيك وإلا تروح بدون ما تصبح عليك..

كرهت لقاءك كثر ما حـبـيته و لا تبي تروح بدون ما تسلم عليك ..

خافت تكون أقسى راحاتــك ,, وخافت تكون أحلى كوابيـسك ..

ترددت كثــير و فكـــرت بالشكـل العميق و راحت بالحساب

لليــوم البعيد ,, يوم تكون وحدها و أنت ترحل بعيد ....

يوم ينتهي حبك و هو لسى وليــد ,, راحت بتفكيرها لأبعد

مصيـــر راحت للشــي اللي لا يمكن يصــير ..

وبالنهــاية قررت تكون أروع خيالاتك و أصدق كذباتك وأسمى لذاتك ..

قررت تناظـــرك من بعيد ,, وتودعك من وراء الزجاج الكثيـف ..

قررت تكـــون أخر أيامك و أول بداياتك و أسعد لحظاتك ..

لكن من بعيد و من خلف الزجاج ,, راحـــت للعالم البعيد ...

وهـي تتمنى تكون أبسط صدماتـك ,, و أخف أحزانك ...

كانت تتمناك تكــون أقوى من أزماتك .. و يكون هذا

وداعهــا الأخير ,, وترحـل دون ما تتلفت وراها ..

كانت تحسب إن المشكــلة أنت و إحساسك ,, بس للأسف

خانها إحساســها و رجعت تسلم عليك و تنهــي القرار

المصير قبـــل ما يصـــير و تبدأ حياتها من جديد ....

ومن هنا من وراء الزجاج الكثيف,,قررت تبعد و تـــرجع تعيـــش

حلمــك اللي هـــو أحــلى الكوابيــس ...